သွေးမလှူမီနှင့် သွေးလှူပြီး ဆောင်ရန်ရှောင်ရန် သိသင့်စရာများ နှင့် သွေးလှူခြင်းအကျိုး
မိမိခန္ဓာကိုယ်ထဲက သွေးကို ဖောက်ထုတ်ပြီး လှူဒါန်းတဲ့ သွေးအလှူဟာ ဘုရားလောင်း သူတော်ကောင်းကြီးတွေ ဆည်းပူးဖြည့်ကျင့်ကြတဲ့
ဒါနဥပပါရမီ(အင်္ဂါစွန့်ဒါနပါရမီ)ကုသိုလ်ထူးကြီး ဖြစ်ပါတယ်..
သွေးလှူခြင်းကြောင့် သွေးအားနည်းပြီး ကျန်းမာရေးထိခိုက်တာမျိုး လုံးဝမဖြစ်နိုင်ပါဘူး.. ဟေမိုဂလိုဘင် ပြည့်မပြည့် အရင်ဆုံးစစ်ဆေးပြီးမှ ပြည့်ဝတဲ့သွေးကိုပဲ လက်ခံတာဖြစ်ပါတယ်..
ဟေမိုဂလိုဘင်ဆိုတာ သွေးနီဥတွေထဲမှာရှိတဲ့ ဓာတ်တစ်မျိုးပါ..
သံဓာတ်နဲ့ပရိုတင်းဓာတ်တစ်မျိုးတို့ ပေါင်းစပ်ရာကနေ ဖြစ်ပေါ်လာပါတယ်.. ဟေမိုဂလိုဘင်က ခန္ဓာကိုယ်ရဲ့ အင်္ဂါအစိပ်အပိုင်း အသီးသီးက လိုအပ်တဲ့ အောက်စီဂျင်ကို အဆုတ်ကတစ်ဆင့် သယ်ယူ ပို့ဆောင်ပေးပါတယ်. ဟေမိုဂလိုဘင်အားနည်းရင် ခန္ဓာကိုယ်မှာ အောက်စီဂျင်အားနည်းပြီး လူပါအားနည်းသွားတာမို့ ဟေမိုဂလိုဘင်ဟာ ခန္ဓာကိုယ်အတွက် သိပ်ကိုအရေးကြီးပါတယ်..
သွေးလှူလိုက်လို့ သွေးပမာဏ လျော့နည်းသွားတဲ့အပေါ်မှာလည်း
တစ်ချို့က စိုးရိမ်ပူပန်တတ်ကြပါတယ်.. အကြမ်းဖျင်းအားဖြင့် အရွယ်ရောက်ပြီးသူတွေမှာ သွေးပမာ(၅ လီတာမှ ၆ လီတာ)အထိ ရှိပါတယ်.. (၁၀၀၀မီလီလီတာ=၁လီတာ) သွေးလှူဒါန်းမှုတစ်ကြိမ်တွင် သွေး(၄၅၀မီလီလီတာ)ကိုသာ ထုတ်ယူတာပါ..
ထုတ်ယူလိုက်တဲ့သွေးပမာဏဟာလည်း (၇၂)နာရီ အတွင်းမှာ ပြန်ပြည့်သွားမှာဖြစ်ပါတယ်..
ဟေမိုဂလိုဘင်ပြည့်အောင် သံဓာတ်ကြွယ်ဝတဲ့ အစားအစာတွေကို စားသုံးပေးရပါတယ်.. သံဓာတ်ကြွယ်ဝတဲ့ အစားအစာတွေကတော့-
အသား ငါး အသည်း ဥနှင့် သွေးခဲများ ဟင်းနုနယ် မုံညင်း ကန်စွန်း ချဉ်ပေါင် ကညွတ် ကိုက်လန်စသည့် အစိမ်းရင့်ရောင် ဟင်းရွက်များ
နှင့် ပဲအမျိုးမျိုး တို့ပါပဲ..ဟင်းသီးဟင်းရွက်နှင့် ပဲအမျိုးမျိုးမှာပါဝင်တဲ့ သံဓာတ်ကို အစာလမ်းကြောင်းမှ အလွယ်တကူ စုပ်ယူနိုင်ရန်
အချဉ်နှင့်တွဲ၍စားပါ (ဥပမာ-ချည်ရည်ဟင်းစားခြင်း
အသီးအရွက်သုပ်များမှာ သံပုရာရည်ညှစ်စားခြင်း) ထမင်းစားပြီး အချဉ်ဓာတ်ကြွယ်ဝတဲ့ အသီးတွေ စားတာဟာလည်း သံဓာတ်စုပ်ယူမှုကို အားပေးပါတယ်..ဒါပေမယ့် လက်ဖက်ဟာ အူမှ
သံဓာတ်စုပ်ယူမှုကို အနှောင့်အယှက်ပြုလို့ ထမင်းစားပြီးပြီးချင်း လက်ဖက်ရည် ကော်ဖီ ရေနွေးကြမ်းဖန်ဖန်သောက်ခြင်း လက်ဖက်စားခြင်းတို့ကိုရှောင်ကြဉ်သင့်ပါတယ်.. အနည်းဆုံး နာရီဝက်တော့ ခြားပြီးမှ စားသောက်သင့်ပါတယ်..
သွေးလှူမယ့်နေ့ဆိုရင်တော့ လုံးဝရှောင်တာက အကောင်းဆုံးပါပဲ..
သွေးလှူတော့မယ်ဆိုရင် ဒါတွေဖတ်ပြီးမှ လှူပါ
- - - - - - - - - - - - - - -
အသက်(၁၈)နှစ်မှ(၅၅)နှစ်အတွင်း ဖြစ်ရပါမယ်..
အမျိုးသားက ကိုယ်အလေးချိန်ပေါင်(၁၀၀)နှင့် အထက် အမျိုးသမီးက ပေါင်(၉၀)နှင့်အထက် ရှိရပါမယ်..
သွေးလှူတာ တစ်ကြိမ်နဲ့တစ်ကြိမ် လေးလခြားရပါမယ်..
သွေးပေါင်ချိန် ၁၁၀/၇၀ ရှိရပါမယ်..
အမျိုးသမီးများအနေနဲ့ ဓမ္မတာလာနေသောရက်အတွင်း
မလာခင်တစ်ပတ်နှင့် လာပြီးတစ်ပတ်အတွင်းတွေမှာ သွေးမလှူသင့်ပါ..ကိုယ်ဝန်ဆောင်နှင့် နို့တိုက်မိခင်များလည်း သွေးမလှူသင့်ပါ..
မူးယစ်ဆေးစွဲနေသူ သုံးစွဲသူ အရက်စွဲနေသူနှင့် အရက်သောက်ထားသောသူများ သွေးမလှူသင့်ပါ
HIV/AIDS ရောဂါပိုးကူးစက်ခံရပြီး(၃)လမှ (၆)လအတွင်း သွေးစစ်ဆေး၍ မပေါ်နိုင်သောကြောင့် ရောဂါပိုးကူးစက်နိုင်သည့်
အနေအထားနှင့် ကြုံတွေ့သည့်နေ့မှစ၍ (၆)လအတွင်း လုံးဝ သွေးမလှူသင့်ပါ..
နှလုံး သွေးတိုး ဆီးချို သွေးအားနည်းရောဂါ အသည်းရောင်အသားဝါ (ဘီပိုး စီပိုး)နှင့် ကူးစက်ရောဂါဖြစ်ပွားနေသူများ သွေးမလှူသင့်ပါ..
လွန်ခဲ့သော(၃)ရက်အတွင်း နှာစေးချောင်းဆိုးခြင်းနှင့် ဆေးဝါးများ မှီဝဲထားခြင်း (ဥပမာ-Aspiric, Ponstan, Antibiotic) တို့ရှိပါက သွေးမလှူသင့်ပါ..
လွန်ခဲ့သော(၃)ပါတ်အတွင်း ရေကျောက် သွေးလွန်တုပ်ကွေးကဲ့သို့ ဗိုင်းရပ်(စ်)ကြောင့် ဖြစ်သည့်ရောဂါများဖြစ်ခဲ့ခြင်း လွန်ခဲ့သည့်(၁)နှစ်
အတွင်း ခွဲစိပ်ကုသမှုခံယူခဲ့ခြင်းတို့ရှိပါက သွေးမလှူသင့်ပါ..
သွေးလှူပြီးသွားရင်တော့ ဒါတွေကို လိုက်နာပါ
- - - - - - - - - - - -
သွေးဖောက်ထားတဲ့လက်ကို ဒီနေ့အဖို့ တတ်နိုင်သမျှ အနားပေးပါ..
သွေးဖောက်ထားတဲ့နေရာကို သန့်ရှင်းစွာထားပါ..
အရေပြားအောက်တွင် သွေးယိုစိမ့်တတ်သဖြင့်
သွေးဖောက်ထားတဲ့နေရာမှာ အမဲကွက် ယာယီ ပေါ်တတ်ပါတယ်..အန္တရာယ်မရှိပါ..
သွေးလှူပြီးစမှာ ခေါင်းမူးပါက မိနစ်အနည်းငယ် လှဲနေပါ.. ဒါမှမဟုတ် ဒူးနှစ်လုံးကြား ဦးခေါင်းထားပြီး ထိုင်နေပါ..
ဒီနေ့အဖို့ ရေ(သို့)အရည်များများ သောက်ပါ..
သွေးလှူပြီးတဲ့အချိန်ကစလို့ (၇၂)နာရီအတွင်း အရက် ဘီယာ ဆေးလိပ် အလွန်အကျွံ သောက်သုံးခြင်းနှင့် မူးယစ်ဆေးဝါးသုံးစွဲခြင်းတို့
မပြုလုပ်သင့်ပါ..
သွေးလှူဒါန်းလိုက်တဲ့အခါ သံဓာတ်များစွာ ပါသွားတဲ့အတွက် သံဓာတ်ချို့တဲ့စေနိုင်တဲ့ အချက်တွေကို ရှောင်ကြဉ်ပါ..
--------------------------------------------------------
သွေးလှူရင် သွေးဖောက်တဲ့အခါ အရမ်းနာမှာပဲ ဆိုပြီး တစ်ချို့က အသားနာမှာကြောက်တာနဲ့ သွေးမလှူဖြစ်ကြတော့ပါဘူး..သွေးကြောထဲကိုပဲ အပ်ထိုးသွင်းတာမို့ အရေပြားကိုဖောက်တဲ့အချိန်
ခဏလေးပဲ နည်းနည်းအောင့်သွားတာပါ.. ပြီးရင် လုံးဝ မနာတော့ပါဘူး.. အကောင်းဆုံးကတော့ သွေးဖောက်တော့မယ်
ဆိုတာနဲ့ မျက်လုံးမှိတ်ပြီး မေတ္တာပို့နေလိုက်ပါ.. (ဥပမာ-ဒီသွေးကို သွင်းခွင့်ရတဲ့လူနာ ရောဂါဝေဒနာ အမြန်ဆုံး ပျောက်ပါစေ.. ကျန်းမာပါစေ စသဖြင့် ကိုယ်အားသန်သလို ကိုယ်အာရုံကျသလို အပိုမေတ္တာတွေဖြည့်စွက်ပြီး ပို့သနိုင်ရင် ပိုကောင်းပါတယ်)
တစ်ချို့ကလည်းသွေးလှူရင် ဝလာတတ်တယ် ဆိုပြီး မလှူဖြစ်ကြပါဘူး.. ဒါဟာမဟုတ်ပါဘူး.. တစ်ကယ်တော့`ငါသွေးလှူထားတယ် ခါတိုင်းထက် များများစားမှ မဟုတ်ရင် အားနည်းသွားလိမ့်မယ်´ဆိုတဲ့အတွေးနဲ့ လိုအပ်တာထက် ပိုစားလို့ ဝလာတာပဲဖြစ်ပါတယ်..
သွေးလှူတာသက်သက်နဲ့တော့ ကိုယ်အလေးချိန် ပိုတိုးလာစရာ အကြောင်းမရှိပါဘူး..
တစ်ချို့ကလည်း`မင်းတို့က သွေးကို အလကားလှူပေမယ့် သူတို့က လူနာကို သွေးအလကားပေးတာ မဟုတ်ဘူး လူနာဆီက ပိုက်ဆံယူတယ် မင်းတို့ အလကားလှူထားတဲ့သွေးတွေကို သူတို့က ပိုက်ဆံနဲ့ ရောင်းစားတာ´ဆိုတဲ့ စကားတွေကြောင့် လှူချင်ပေမယ့် မလှူဖြစ်တဲ့လူတွေ အများကြီးရှိပါတယ်.. တစ်ကယ်တော့ သွေးသွင်းခံလူနာရှင်ဆီက ငွေယူတာဟာ သက်ဆိုင်ရာ သွေးဝန်ထမ်းရဲ့ ကိုယ်ကျိုးစီးပွားအတွက် ယူတာမဟုတ်ပါဘူး..
တစ်ကယ်လို့ ကိုယ့်သွေးကို သူ့ရဲ့ကိုယ်ကျိုးစီးပွားအတွက် အသုံးချတယ်ဆိုရင်လည်း အဲဒီသူရသွားတဲ့ ကိုယ်ကျိုးစီးပွားဟာ ကိုယ့်ရဲ့အလှူပါပဲ.. လူနာကို ကိုယ့်သွေး ရောင်းစားလိုက်လို့ သူငွေရ
သွားတယ်ဆိုရင် လူနာကိုလည်းသွေးလှူပြီးသား ဖြစ်သွားတယ် သူ့ကိုလည်းငွေလှူပြီးသားဖြစ်သွားတော့ ကိုယ့်အတွက် ကုသိုလ်နှစ်ထပ်ကွမ်း ဖြစ်သွားပါတယ်.. သူ့ဘာသာသူ သွေးရောင်းစားလို့ အကုသိုလ်ဖြစ်သွားတာကတော့ သူ့အပိုင်းနဲ့သူပါ..
ဘယ်နေရာမှာပဲဖြစ်ဖြစ်`စုန်းပြူး´ဆိုတာက ရှိတတ်တာမို့လို့ မဟုတ်တာလုပ်တတ်တဲ့သူတွေအပေါ်မှာ အဲဒီလို စိတ်ရှင်းအောင် ထားတတ်မယ်ဆိုရင် ဘယ်လိုနည်းနဲ့မှ လှူဖို့ရည်ရွယ်ထားတဲ့ ကိုယ့်ရဲ့ ဆုံးဖြတ်ချက် မပျက်နိုင်တော့ပါဘူး..
အလကားလှူတဲ့သွေးကို သွေးခံအိတ်နဲ့ ထည့်ယူရတာမို့ သွေးခံအိတ်ဖိုး ကုန်ပါတယ်.. သွေးကြောကိုဖောက်ပြီး ပိုက်ကတစ်ဆင့်
သွေးခံအိတ်ထဲထည့်ရတာမို့ အပ်ဖိုး ပိုက်ဖိုး ကုန်ပါတယ်.. လှူထားတဲ့သွေးထဲမှာ ရောဂါပိုးရှိမရှိ စစ်ဆေးခ သွေးစစ်ခကုန်ပါတယ်.. လှူထားတဲ့သွေးကို အထူးအအေးခန်းထဲမှာ စနစ်တကျ သိုလှောင်သိမ်းဆည်းထားရတာမို့ အအေးခန်းခ မီတာခ အအေးခန်းစက်ပစ္စည်းများ ပြုပြင်ခ ကုန်ပါတယ်..သွေးမလှူခင် သွေးအမျိုးအစားစစ်ဖို့ လက်ထိပ်ဖောက်တဲ့ နေရာမှာလည်း ကုန်ကျစရိတ်ရှိသလို သွေးအားပြည့်မပြည့် ဟေမိုဂလိုဘင် စစ်တဲ့နေရာမှာလည်း ကုန်ကျစရိတ်တွေရှိပါတယ်..သွေးလှူပြီး
အာဟာရပြည့်အောင်ကျွေးမွေးရတဲ့ ကုန်ကျစရိတ် နှစ်ပတ်စာ ပေးလိုက်ရတဲ့ သံဓာတ်အားဖြည့်ဆေး ကုန်ကျစရိတ်စသဖြင့် အများကြီးပါပဲ.. သွေးလှူရှင်ရဲ့သွေးကြောနဲ့ လူနာရဲ့ သွေးကြော
တိုက်ရိုက်ဆက်သွယ်ပြီး လှူတာမဟုတ်ဘူး ဆိုတာကို သတိပြုရပါမယ်..ဒါကြောင့် သွေးလက်ခံတဲ့ ၀န်ထမ်းတွေ အပေါ်မှာလည်း ရမ်းပြီး အထင်မမှားသင့်ပါဘူး..
သွေးလှူတယ်ဆိုတာ သူတစ်ပါးရဲ့လိုအပ်ချက်ကို ဖြည့်ဆည်းပေးတာပါ.. ကာလဒါနပါ.. ကာလဒါနဆိုတာ အချိန်ကိုက် အလှူ လိုအပ်ချက်နဲ့ ကွက်တိဖြစ်တဲ့အလှူလို့ အဓိပ္ပာယ်ရပါတယ်..
တူသောအကျိုးပေးတတ်တဲ့ ကံတရားအရ သူတစ်ပါးရဲ့လိုအပ်ချက်ကို ဖြည့်ဆည်းပေးတဲ့အတွက် ကိုယ့်ရဲ့လိုအပ်ချက်တွေလည်း
ပြည့်စုံလာမှာပါပဲ.. ဘာမဆိုဖြစ်နိုင်တယ်လို့ မဆိုလိုပေမယ့် အတိုင်းအတာတစ်ခုထိတော့ အကျိုးဖြစ်ထွန်းနိုင်ပါတယ်..
"ကျွန်ုပ်သည် ဘယ်နေ့ဘယ်ရက်မှစပြီး သွေးလှူဒါန်းခဲ့ပါသည် ဤမှန်သော သစ္စာစကားကြောင့်.. ဘာဖြစ်ပါစေ"လို့ မိမိလိုရာ ဆုတောင်းလိုက်မယ်ဆိုရင်တော့ သွေးလှူခြင်းရဲ့ အကျိုးဟာ ဘာပါလို့ ဘောင်ခတ်ကန့်သတ်လို့ ရနိုင်ပါဦးမလား..
လူသားတစ်ဦးလိုအပ်တဲ့သွေးကို တစ်ခြားလူတစ်ဦးဆီကပဲ ရယူနိုင်တာမို့ သွေးနေရာမှာ ဘာပစ္စည်းနဲ့မှ အစားထိုးလို့မရတဲ့အတွက် ပုံမှန်ကျန်းမာရေး ကောင်းသူတိုင်း ပုံမှန်သွေးလှူသင့်ပါတယ်..
ငွေလည်းမကုန် သူတစ်ပါးရဲ့အသက်ကိုလည်း ကယ်တင်နိုင်တဲ့ သွေးအလှူဟာ ငွေသိန်းရာထောင်ချီ အကုန်ခံပြီးလှူတဲ့ အခြားအလှူတွေထက် အဆပေါင်းများစွာ ကြီးကျယ်မြင့်မြတ်ပါတယ်..
မြတ်စွာဘုရားအလောင်းတော် ပါရမီဖြည့်ရာကာလ တစ်လျှောက်လုံး လှူဒါန်းခဲ့တဲ့သွေးတွေဟာ သမုဒ္ဒရာလေးစင်းမှာရှိတဲ့ ရေတွေထက်
အဆပေါင်းများစွာ မနှိုင်းယှဉ်သာအောင် များတယ်လို့ ဆိုတဲ့အတွက် သွေးလှူတဲ့အလုပ်ဟာ ဘုရားအလောင်းတော်တိုင်းရဲ့ မလုပ်မဖြစ်
အလုပ်ကြီးပါလားလို့တွေးပြီး သွေးလှူရှင်တိုင်း ဝမ်းမြောက်ဝမ်းသာ ပီတိဖြာသင့်ပါတယ်..
Credit to original
